Mga talatang nagpapa-totoo kung ano ang Pangalan ng Dios

Kawikaan 30:4, Isaias 55:6, Roma 10:13, Oseas 6:3, Juan 17:26,Awit 9:10, Hebreo 13:15, Awit 149:6, Mateo 11:25, Awit 48:10,Mateo 21:16, Apocalipsis 2:17, Lukas 8:11, Juan 1:1

Sino ang sumampa sa langit, at bumaba? Sino ang pumisan hangin sa kaniyang mga dakot? Sinong nagtali ng tubig sa kaniyang kasuutan? Sinong nagtatag ng lahat ng mga wakas ng lupa? Ano ang kaniyang pangalan, at ano ang pangalan ng kaniyang anak kung iyong nalalaman? Inyong hanapin ang Panginoon samantalang siya'y masusumpungan, magsitawag kayo sa kaniya samantalang siya'y malapit: Sapagka't , Ang lahat na nagsisitawag sa pangalan ng Panginoon ay mangaliligtas. At ating kilalanin, tayo'y magpatuloy upang makilala ang Panginoon: ang kaniyang paglabas ay tunay na parang umaga; at siya'y paririto sa atin na parang ulan, na parang huling ulan na dumidilig ng lupa. At ipinakilala ko sa kanila ang iyong pangalan, at ipakikilala ko; upang ang pag-ibig na sa akin ay iniibig mo ay mapasa kanila, at ako'y sa kanila. At silang nangakakaalam ng iyong pangalan ay maglalagak ng tiwala sa iyo; Sapagka't ikaw, Panginoon, ay hindi mo pinababayaan sila na nagsisihanap sa iyo. Sa pamamagitan nga niya ay maghandog tayong palagi ng hain ng pagpupuri sa Dios, sa makatuwid baga, ay ng bunga ng mga labi na nagpapahayag ng kaniyang pangalan. Malagay nawa sa kanilang bibig ang pinakamataas na pagpuri sa Dios, At tabak na may dalawang talim sa kanilang kamay;Nang panahong yaon ay sumagot si Jesus at sinabi, Ako'y nagpapasalamat sa iyo, Oh Ama, Panginoon ng langit at lupa, na iyong inilihim ang mga bagay na ito sa mga pantas at matatalino, at ipinahayag mo sa mga sanggol: Kung ano ang iyong pangalan , Oh Dios, Gayon ang pagpupuri sa iyo hanggang sa mga wakas ng lupa; Ang iyong kanan ay puspos ng katuwiran. At sinabi nila sa kaniya, Naririnig mo baga ang sinasabi ng mga ito? At sinabi sa kanila ni Jesus, Oo: kailan man bagay hindi ninyo nabasa, Mula sa bibig ng mga sanggol at ng mga sumususo ay iyong nilubos ang pagpupuri? Ang may pakinig, ay makinig sa sinasabi ng Espiritu sa mga iglesia. Ang magtatagumpay ay bibigyan ko ng manang natatago, at siya'y bibiyan ko ng isang batong puti, at sa bato ay may nakasulat na isang pangalan, na walang nakakaalam kundi yaong tumatanggap. Ito ang talinhaga: Ang binhi ay ang salita ng Dios. Nang pasimula siya ang Salita, at ang Salita ay suma sa Dios, at ang Salita ay Dios.

Ang mga talata sa itaas ay mga tinipong sitas mula sa Ang Biblia, na nangagpapa-unawa tungkol sa kung ano ang Pangalan nang Dios na ating Panginoon. Iminu-mungkahing pagbulayang mainam ang mga pahayag na ito ng katotohanan.